Пытанні і адказы пра TEDxUlicaMińska

Чым TEDx адрозніваецца ад TED?

Чым TEDx
адрозніваецца
ад TED?

TED – гэта каманда, якая ўпершыню ўвяла ў практыку фармат кароткіх, лаканічных выступленняў пра бліскучыя ідэі. Гэты фармат існуе з 1984 года і пачынаўся як сустрэча «гікаў» і навуковых энтузіястаў, але паступова ператварыўся ў сусветна вядомы глабальны брэнд. Вакол яго вырасла цэлая экасістэма. І канферэнцыі TEDx з'яўляюцца яе часткай.
‍
Мерапрыемствы TEDx арганізуюцца незалежнымі камандамі, якія працуюць па ліцэнзіі TED. Яны прытрымліваюцца адных і тых жа стандартаў, але іх увага скіравана на мясцовыя супольнасці – на тое, каб даць ім голас на міжнароднай арэне.

Чаму TEDxUlicaMińska называецца менавіта так?

Чаму
TEDxUlicaMińska
называецца
менавіта так?

Бо назвы падзеяў TEDx мусяць утрымліваць спасылку на канкрэтную геаграфію, у якой яны адбываюцца, паводле ліцэнзіі. Паколькі наша канферэнцыя праходзіць у Варшаве, але ствараюць яго беларусы, мы шукалі ў мясцовай тапаніміцы масток да беларускай ідэнтычнасці. І знайшлі яго ў вуліцы Mińska.

Хто можа выступіць на TEDxUlicaMińska?

Хто можа
выступіць на
TEDxUlicaMińska?

TEDx – асаблівы фармат. Спікерам можа стаць любы і любая ў незалежнасці ад ступені медыйнасці. Мы абіраем не людзей, а іх ідэі. Таму шанец ёсць у любога/ой, хто:

• прапануе яскравую і моцную ідэю,
• здольны/ая шчыра, пераканаўча і без пафасу яе данесці,
• гатовы ці гатовая прысвячаць час на падрыхтоўку і рэпетыцыі,
• паважае правілы TEDx: ніякая рэкламы, палітычнай ці рэлігійнай прапаганды.

Канферэнцыя будзе праходзіць мінімум раз на год. Мы абвяшчаем “фармальны” набор і закрыццё анкеты перад кожнай новай падзеяй, але насамрэч вы можаце падаць заяўку ў любы момант і патрапіць у спіс патэнцыйных спікераў.

Рэгістрацыя тут

Ці аплочваецца ўдзел у якасці спікера?

Ці аплочваецца
ўдзел у якасці
спікера?

Не. Любое TEDx-мерапрыемства – валанцёрская ініцыятыва. Ні выступоўцы, ні арганізатары не атрымліваюць ганарараў або фінансавых бонусаў. Мерапрыемтсва фінансуецца за кошт продажу квіткоў і партнёрскай падтрымкі.

Мы ствараем прастору для распаўсюду значных ідэяў, не камерцыйную пляцоўку. Проста з любові да прыгожага.

Колькі часу займае падрыхтоўка выступу?

Колькі часу
займае
падрыхтоўка
выступу?

TEDx – міжнародны стандарт якасці. А добрая прамова не нараджаецца за адзін вечар, таму варта быць гатовым да істотных укладанняў часу ў падрыхтоўку. Яна ўключае ў сябе:

• удакладненне ідэі і яе каштоўнасці разам з куратарскай камандай
• працу са спікер-коўчам над структурай і падачай
• некалькі рэдакцыйных ітэрацый тэксту
• сцэнічныя і тэхнічныя рэпетыцыі
• фінальную праверку гатоўнасці выступу перад запісам і выйсцем на сцэну.

Гэта супольная і захапляльная праца дзеля адзінай мэты – моцнай ідэі і яе пераканаўчай прэзентацыі.

Чаму нельга гаварыць пра палітыку, рэлігію або
прасоўваць бізнес?

Чаму нельга
гаварыць пра
палітыку, рэлігію
або прасоўваць
бізнес?

TEDx – нейтральная платформа.

Мы не прымаем агітацыі, прапаганды або схаваных камерцыйных інтарэсаў. Вы можаце казаць пра асабісты досвед, даследванні, сацыяльны фон – але не заклікаць да галасавання, пакаяння, набыцця ці пэўнага ідэалагічнага выбару.

Ці прасоўвае TEDxUlicaMińska спікераў пасля
канферэнцыі?

Ці прасоўвае
TEDxUlicaMińska
спікераў пасля
канферэнцыі?

Мы зробім усё, каб ваш выступ быў якасным – гадзіны падрыхтоўкі з дасведчаным спікер-коўчам, прафесійны відэа-прадакшан. Відэа будзе размешчанае на нашым YouTube-канале і з’явіцца ў агульнай калекцыі TEDx. Далей – справа за вамі!

Ці будзе анлайн-трансляцыя?

Ці будзе анлайн-
трансляцыя?

Так! Спасылка на яе з'явіцца ў шапцы профіля ў дзень мерапрыемства. А запісы ўсіх выступаў будуць апублікаваныя ў нашым канале пасля мантажу.

Як стаць валанцёрам TEDxUlicaMińska?

Як стаць
валанцёрам
TEDxUlicaMińska?

Мы заўсёды радыя людзям, якія:

• умеюць працаваць у камандзе,
• гатовыя ўзяць адказнасць за канкрэтны кавалак працы і давесці яе да канца,
• падзяляюць нашыя каштоўнасці – адкрытасць, захапленне навукай і прыгажосцю чалавечай думкі.

Валанцёрства – гэта рэальная праца, якая можа вымагаць шмат энэргіі. Але яна дае досвед, сувязі і адчуванне сэнсу.

Спасылка на анкету валанцёра